Të huajt po shfaqin interes për Shëngjinin jo vetëm për pushimore verore, por edhe për pasuritë e paluajtshme të zonës.

Krahas shqiptareve të Kosovës dhe Maqedonisë së Veriut, Shëngjini po preferohet edhe nga europianet të cilët po blejnë prona në këtë zonë turistike.

Rana e Hedhur dhe Kune janë zonat më të kërkuara thotë agjenti imobiliar Emirjan Lazri, ku pavarësisht rritjes së çmimit të apartamenteve me 25% kërkesat për blerje janë të shumta.

Zhvillimi që ka njohur Shëngjini falë investimeve të shtetit dhe privatit si dhe promovimi që i është bërë turizmit në këtë zonë, po tërheqin vëmendjen e të huajve.

Numri i apartamenteve të ndërtuara vitet e fundit në zonën turistike të Shëngjinit është i konsiderueshëm, por sërish nuk po plotësohen nevojat e tregut, ndërsa ata që po shfaqin më shumë interes për të blerë janë polakët, gjermanët, austriakët dhe çekët.

Gazetar Norel Zaimi

/RTSH/