Andri Shevçenko është bërë këshilltar i jashtëm i presidentit ukrainas Volodimir Zelenski. Ky i fundit shpalli dekretin për emërimin e ish-sulmuesit të Milanit si këshilltar të jashtëm më 26 shtator.

Shevçenko fitoi famë si lojtar i Milanit ku dhe fitoi Ligën e Kampionëve në vitin 2003. Ish-futbollisti i njohur luajti 111 ndeshje  për kombëtaren ukrainase ku ka shënuar 48 gola.

Pas karrierës së tij si lojtar, të cilën e përfundoi në korrik të 2012-ës, Shevçenko nisi të punonte si ndihmës në stafin drejtues të Ukrainës dhe më as në korrik të 2016 u bë trajner duke e udhëhequr kombëtaren deri në çerekfinalet e “Euro 2022”. Në sezonin 2021/22, ai drejtoi Xhenoan.

Ai konsiderohet si një nga futbollistët më të mirë ukrainas të të gjitha kohërave. Vitin e kaluar, Presidenti ukrainas Zelenski emëroi 46-vjeçarin si ambasador të Fondacionit për Rindërtim dhe Zhvillim të Ukrainës.