Shkodra në përgatitjet e fundit, grupet e 5 bashkive të qarkut në Festivalin Folklorik

Kulturë | 3 vite më parë

Kanë zgjedhur një mjedis të bukur natyror për të bërë përgatitjet e fundit përpara se të nisen në Gjirokastër për Festivalin Folklorik Kombëtar që rikthehet pas 8 vitesh mungesë.

Shkodra ka zgjedhur të përfaqësohet me disa nga këngët e saj tradicionale që do të vijnë të kënduara përmes elementit të ri artistik.

Ndërsa grupi i Malësisë së Madhe ka zgjedhur të përfaqësohet me lahutën dhe xhubletën, të lashta sa vetë jeta në këto troje.

Leonora, përfaqësuesja e grupit të Vaut të Dejës thotë se këto tradita të bukura të folklorit tonë duhet të vazhdojnë të kultivohen tek më të rinjtë.

Puka dhe Fushë-Arrëzi plotësojnë grupin e qarkut të Shkodrës në Festivalin Folklorik Kombëtar, i cili do të ketë rreth 50 minuta manifestim të traditave më të mira të folklorit të kësaj treve.

Gazetar Norel Zaimi

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.