Shkrumbohen 6 hektarë pyje, vihet nën kontroll zjarri në Mirditë

Aktualitet | 3 vite më parë

Zjarri i rënë mesditën e së premtes në masivin pyjor të fshatit Fierzë të Njësisë Administrative Rubik në Mirditë është vënë nën kontroll, por ende nuk është shuar plotësisht.

Krahas forcave të bashkisë, operacionit për shuarjen e flakëve i janë bashkuar dhe ushtria.

Për shkak të terrenit të thyer malor, po punohet me mjete rrethanore për shuarjen e plotë të këtij zjarri, që sipas të dhënave deri tani ka djegur rreth 6 hektarë pyll me pisha dhe bimësi.

“Flakët dyshohet të jenë shkaktuar nga një shkëndijë elektrike në linjën që ndodhet përgjatë këtij masivi pyjor“, thotë prefekti i Qarkut Lezhë Gjergj Prendi.

Zjarri në masivin pyjor të fshatit Fierzë u shfaq mesditën e së premtes dhe i favorizuar nga era e fortë dhe bimësia e dendur flakët u përhapen me shpejtësi në disa drejtime.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.