Shoqata e Tiranës, Gjykata “njeh” Prodanin

Sporte të tjera | 5 vite më parë

Gjykata e Tiranës rrëzon Asamblenë Zgjedhore të Shoqatës Rajonale të Tiranës në 24 janar, duke dhënë një vendim që ndryshon tërësisht situatën në një moment delikat për FSHF-në. 20 ditë përpara Asamblesë Zgjedhore të 2 Marsit, gjykata jo vetëm që ka zhvlerësuar vendimet e marra në atë asamble por njeh Eduard Prodanin si kryetar të kësaj shoqate. Vendimi është marrë pas kallëzimit që bëri në prokurori kryebashkiaku i Tiranës, Erion Veliaj në cilësinë e aksionerit të Klubit të Futbollit Tirana.

Ai paditi për shpërdorim të detyrës, falsifikim të dokumenteve dhe rrjetit kompjuterik, sekretarin e përgjithshëm të FSHF-së, Ilir Shulkun dhe sekretarin e shoqatës së Tiranës ndërsa menjëherë pas mbledhjes së Asamblesë së Tiranës, ai bashkë me shoqatat që braktisën asamblenë e organizuar në ambjentet e FSHF-së, zgjodhën si kryetar të kësaj shoqate, Eduard Prodanin.

Në këtë mënyrë, vendimi i marrë nga gjykata e Tiranës mund të krijojë një efekt domino edhe në të paktën tre rajone të tjera pasi Gjirokastra, Shkodra dhe Durrësi janë gjithashtu zyrtarisht në prokurori pasi anëtarë të këtyre shoqatave kanë akuzuar për manipulim të zgjedhjeve drejtuesit rajonalë dhe FSHF-në.

 


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme