Shqipëria merr presidencën e BSEC-ut

Politikë | 3 vite më parë

Takimi i 47-të i ministrave të Punëve të Jashtme të Bashkëpunimit Ekonomit të Detit të Zi zhvilloi punimet sot në Stamboll.

Në këtë takim, Shqipëria u përfaqësua nga një delegacion i kryesuar nga zv/ministri për Evropën dhe Punët e Jashtme, Besart Kadia.

Ai vlerësoi arritjet e kryesisë turke të BSEC-ut, si dhe shprehu edhe një herë gatishmërinë dhe përkushtimin e palës shqiptare për të mbajtur presidencën e radhës të kësaj nisme rajonale për një periudhë 6-mujore duke filluar nga janari i vitit të ri.

Në këtë kontekst, zv/ministri Kadia risolli përsëri në vëmendje arritjet konkrete të Shqipërisë në kuadër të presidencave të tjera si e Këshillit të Sigurimit, Procesit të Berlinit etj.

Në fund të takimit pala turke dhe njëkohësisht kryesia aktuale e BSEC-ut, dorëzoi këtë presidencë duke ia kaluar palës shqiptare.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.