Shqip
English
Français
Deutsch
Ελληνικά
Italiano
Srpski
TürkçeShtyhet çështja “Gërdeci”, Mediu dhe avokatët nuk paraqiten në seancë ku do jepet pretenca
Për herë të tretë rresht është shtyrë seanca në ngarkim të ish-ministrit të Mbrojtjes, Fatmir Mediu ku ishte caktuar të jepej pretenca për çështjen “Gërdeci”.
Gjyqtarët e Posaçëm por edhe prokurorët e SPAK u paraqitën në seancë, por avokatët e ish-ministrit nuk ishin të pranishëm dhe nëpërmjet një shkrese kërkuan shtyrjen e kësaj seance.
Në gjykatë u paraqitën edhe të afërmit e viktimave të Gërdecit me të njëjtën kërkesë për të qenë prezentë në seancë.
Ish- ministri Fatmir Mediu akuzohet për shpërdorim detyre të dyfishtë sipas Kodit Penal dhe Kodit Penal Ushtarak.
Tragjedia e Gërdecit ndodhi më 15 mars të vitit 2008. Nga shpërthimi në depon e municioneve në Gërdec, mbetën të vrarë 26 persona si dhe u plagosën qindra të tjerë. Si pasojë e shpërthimit u shkatërruan edhe qindra shtëpi.
/rtsh/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Më të lexuarat
