Siguria në plazhe, pushuesit apelojnë për shtim të rojeve bregdetare dhe në orar më të vonë

Sociale | 3 vite më parë

Edhe pse sezoni turistik është çelur që në fillim të muajit qershor, siguria në plazhe ende mbetet një shqetësim madhor për pushuesit e Darëzezës në Fier.

Sipas rojeve bregdetare edhe pse hapësirat e plazheve publike janë nën vëzhgimin e vrojtuesve dhe kujdesi që tregohet është maksimal për të shmangur çdo fatkeqësi të mundshme, orari i tyre zyrtar është deri në orën 18:00.

Edhe vetë pushuesit ndihen të pasigurt dhe kërkojnë më shumë vëmendje për sigurinë në plazhe, teksa theksojnë se dhe pastërtia në hapësirat publike lë shumë për të dëshiruar.

Darëzeza vijon të mbetet një ndër destinacionet më të frekuentuara nga pushuesit fierake e jo vetëm, ndaj dhe përmirësimi i të gjitha shërbimeve është domosdoshmëri urgjente.

Gazetare: Klea Neli

/RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.