Sokol Çomo zgjidhet Kryetar i Kolegjit të Posaçëm të Apelimit

Aktualitet | 3 vite më parë

Sokol Çomo është zgjedhur Kryetar i Kolegjit të Posaçëm të Apelimit. Vendimi është marrë në mbledhjen e sotme të orës 11:00 të Kolegjit të Posaçëm të Apelimit.

Çomo do ushtrojë mandatin 3-vjeçar në Krye të Kolegjit të Posaçëm të Apelimit, ndërsa zgjedhja e tij u zhvillua me votim të fshehtë në prani të vëzhguesve ndërkombëtarë të Operacionit Ndërkombëtar të Monitorimit, ku u zgjodh në mënyrë unanime.

Çomo do të fillojë ushtrimin e detyrës së Kryetarit të Kolegjit të Posaçëm të Apelimit, më datë 27 korrik, kur mbaron mandatin kryetarja në detyrë, Albana Shtylla.

Ky rezultat u miratua me vendimin e Mbledhjes së Gjyqtarëve nr. 60, datë 30 qershor.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.