Stano: Masat ndaj Kosovës nuk janë sanksione, po monitorojmë situatën në lidhje me policët e arrestuar

Rajon | 3 vite më parë

Zëdhënësi i Bashkimit Evropian Peter Stano ka deklaruar se Brukseli po monitoron me kujdes situatën rreth arrestimit të tre anëtarëve të Policisë së Kosovës, se është në kontakt me të dyja palët, si dhe me KFOR-in. Stano bëri me dije se është përcaktuar se çfarë dhe si ka ndodhur, ndërsa i ka bërë thirrje palëve që të përmbahen nga çdo veprim që do çonte në rritje të tensioneve.

“Ndërkohë, ne i bëjmë thirrje Kosovës dhe Serbisë që të përmbahen nga çdo veprim që do të çonte në rritje të tensioneve. Në të njëjtën kohë, ne u bëjmë thirrje të dyja palëve të punojnë për de-përshkallëzimin e situatës“, tha Stano.

Ky i fundit u shpreh se masat e BE-së ndaj Kosovës nuk janë sanksione, por instrumente që Brukseli të tregojë se pret qetësim të situatës dhe reagim nëse nuk do ndodhë kjo gjë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.