Një strehë e re po sigurohet për familjen Neziri nga fshati Panarit i Korçës, që dikur 10 anëtarët e saj jetonin mes skamjes e në një ngrehinë me gurë në rrezik shembjeje.

Prefekti i Qarkut Korçë, Nertil Jole ishte në këtë fshat për të parë nga afër ecurinë e punimeve për ndërtimin e shtëpisë së re të kësaj familjeje.

Kushtet e mjerueshme financiare kishin bërë që kësaj familje t’i mungonin edhe kushtet më minimale.

Punimet parashikojnë suvatimin e brendshëm dhe lyerjen e fasadave, veshjen e dyshemesë, instalimin e linjës elektrike dhe hidraulike e në fund arredimin e shtëpisë ku do të jetojë kjo familje.

Ndërkohë që deri në ndërtimin e saj, familja është strehuar në një banesë tjetër ndërsa është ndihmuar me ushqime e veshje nga organizata bamirëse Dorkas Albania, falë edhe kujdesit e ndihmës së ofruar nga mësuesi Spartak Laze.

Gazetar: G.Sali

/RTSH/