Dronët kamikazë janë armë të vogla ajrore, të njohura edhe si municione loitering, të cilat asgjësohen pasi godasin objektivin.  Ndryshe nga dronët e tjerë, të cilët supozohet të kthehen në shtëpi pas hedhjes së raketave, dronët kamikazë shkatërrohen pas përplasjes.  

Emri rrjedh nga pilotët japonezë që dolën vullnetarë për të rrëzuar aeroplanët e tyre në misione vetëvrasëse në Luftën e Dytë Botërore. Presidenti Zelensky ka akuzuar më parë Rusinë për përdorimin e dronëve të prodhuar nga Irani. Por Irani mohon furnizimin e tyre, ndërsa Rusia nuk ka komentuar.

Presidenti rus Vladimir Putin tha se sulmet e javës së kaluar ishin si hakmarrje për bombardimin e një ure kyçe që lidh Rusinë me Krimenë e pushtuar, për të cilën ai fajësoi Ukrainën.

Sulmi

Të paktën pesë shpërthime janë dëgjuar në kryeqytetin ukrainas Kiev,- tha një këshilltar presidencial, i cili  fajësojë “dronët kamizake” të dërguar nga Rusia. “Kjo tregon dëshpërimin e tyre,”- tha Andriy Yermak, kreu i zyrës së presidentit ukrainas Zelensky. 

Kryebashkiaku i Kiveit, Vitali Klitschko, tha se ndërtesat e banimit në zonën qendrore të Shevchenkivskiy, ishin dëmtuar nga këto shpërthime. Kryeqyteti u godit nga raketat ruse në orën e pikut, pjesë e sulmeve mbarëkombëtare që lanë pas 19 të vdekur. Shpërthimet filluan rreth orës 06:30 me orën lokale.

Dy ishin afër qendrës së qytetit. Sirena dhe alarme makinash u dëgjuan në të gjithë zonën. Yermak i përshkroi sulmet e kamikazëve si “grahmat e vdekjes” së Rusisë, duke shtuar se Ukraina kishte nevojë për më shumë sisteme të mbrojtjes ajrore “sa më shpejt të jetë e mundur”.

Në fillim të kësaj jave, Putin tha se nuk kishte nevojë për më shumë sulme në shkallë të gjerë në Ukrainë. Shumica e objektivave të përcaktuara ishin goditur, tha ai, duke shtuar se qëllimi i tij nuk ishte të shkatërronte vendin. BBC

/rtsh.al/