Sulmi në spitalin në Gaza, Presidenti i KE: Nuk është në përputhje me ligjin ndërkombëtar

Botë | 3 vite më parë

Presidenti i Këshillit Evropian, Charles Michel ka dënuar sulmin në një spital në Gaza, ku kanë humbur jetën të paktën 500 persona. Në një reagim, Michel u shpreh se sulmi “nuk është në përputhje me ligjin ndërkombëtar”. Komentin Michel e bëri në një konferencë për shtyp në fund të samitit të jashtëzakonshëm për luftën në Lindjen e Mesme.

Sipas zyrtarëve palestinezë, sulmi u krye nga Izraeli, ndërsa në spital ishin strehuar 4 mijë persona.

Nga ana tjetër, ushtria izraelite ka deklaruar se po heton origjinën e shpërthimit, duke theksuar se spitali nuk ishte një objektiv i tyre./ TGCOM

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.