Deputetja demokrate Jorida Tabaku ka deklaruar nga foltorja e Kuvendit, se 1 në 3 tendera jepet pa garë, teksa vuri theksin te nevoja për zbatimin e prokurimeve publike sipas legjislacionit të BE.

Tabaku kërkoi publikimin e të gjitha procedurave që kryhen nga momenti i shpalljes së tenderit, te të gjitha hapat në të cilat kalon ky proces, deri në vendimmarrjen përfundimtare.

Sipas Tabakut, publikimi i këtij procesi, do frikësonte zyrtarët e shtetit, të cilët sot, sikurse thekson ajo, i japin tenderat si plaçkë e tyre.

Deputetja theksoi se ka pafund raste të tilla, dhe se i duhet dhënë fund urgjent këtij mentaliteti, që është shenjë e degradimit publik të administrës publike.

“1 në 3 tendera jepet pa garë. Kam kërkuar nga institucionet informacionet që kur shpallet tenderi, deri te takimet e grupeve që marrin vendimet, komunikimi mes institucioneve, deri te vendimmarrja. Këto nuk janë publike dhe zyrtarët e shtetit do frikësoheshin më shumë e do kishte më shumë konkurrencë në sektorë. Zbatimi i parimit Open Date, sipas legjislacionit të BE do rrisnin konkurrencë. Zbatimi i legjislacionit të BE do çlirojë sektorin.

Raste pafund të prokurimeve publike që shpërndahen nga zyrtarët e shtetit si plaçkat e tyre. Mentaliteti për të futur duart në tendera publik, shenjë e degradimit që ka sot administrata publike”, tha Tabaku.

/rtsh.al/