Serbët kanë protestuar kundër propozimit franko-gjerman për parashikon normalizimin e marrëdhënieve të Kosovës dhe Serbisë.

Një grup i të djathtëve serbë kanë protestuar para Fakultetit Filozofik të Beogradit bashkë me studentët e universitetit që kundërshtojnë propozimin evropian për Kosovën.

Ata marshuan drejt Gjykatës Kushtetuese, duke bllokuar sheshin Nikola Pashiç, Sheshin Knez Millosh dhe rrugën Takovska.

50 protestuesit kërkuan që në takimin e Ohrit në 18 mars Vuçiç të refuzojë publikisht dhe tërësisht propozimin e BE-së. Gjithashtu, ata kërkojnë edhe braktisjen e plotë të negociatave dhe përfundimin e vlefshmërisë së të gjitha negociatave që janë ndërmarrë nën kujdesin e BE-së për shkak se siç thonë protestuesit, BE po tregohet jo objective dhe ka injoruar Rezolutën 1244 dhe fillimin e negociatave nën kujdesin e OKB-së, shkruajnë mediat serbe.

Protesta “Studentët për Kosovën” është organizuar edhe javën e kaluar, e organizuar nga Bordi Iniciativë Studentore i Universitetit të Beogradit dhe grupi “Rinia Serbe për Kosovën”.

/rtsh.al/