Viti arsimor 2023-2024 na sjell të dhëna se të rinjtë nuk duan më një diplomë sa për të thënë. E kanë të qartë se çfarë ofron dhe kërkon  tregu, dhe zgjedhin të arsimohen sipas kësaj kërkesë-oferte. Vetëm në shkollën e mesme profesionale “Rakip Kryeziu” në Fier, e cila ka 4 degë, agronominë, veterinarinë, shërbimet e automjeteve dhe mekanikës bujqësore dhe shërbimit social-shëndetësor, këtë vit nisën klasën e 10-të 96 nxënës.

Një tjetër lajm i mirë është se të rinjtë po zgjedhin degët në lidhje me origjinën e tyre si dhe sipërmarrjet që kanë ngritur familjet e tyre.

E duke pasur parasysh se rreth 46% e shqiptarëve jetojnë në zonat rurale dhe aktivitetet bujqësore janë burimi kryesor i të ardhurave dhe mjeteve të tyre të jetesës, mbështetja e shkollave profesionale  me drejtime mësimore që lidhen ngushtë me bujqësinë, përbën një vlerë të shtuar.

/RTSH/