Teatri “Migjeni” çeli sërish dyert për publikun për të mirëpritur trupën e aktorëve të teatrit kombëtar në dramën “Orfeu zbret në ferr” me regji të polakes Nastazja Domaradzka ndërsa shfaqja që duket se i përshtatet mirë realitetit vendas erdhi e interpretuar nga aktorë me përvojë si Ema Andrea, Olta Daku, Neritan Liçaj, Dritan Boriçi etj.

Drejtori i Teatrit Kombëtar Altin Basha thotë se kjo është një shfaqje që lidhet me lirinë dhe vendosmërinë që ka një njeri për të arritur qëllimet e tij në jetë ndërsa drama përmban disa komponentë, mes tyre edhe muzikën.

Më tej Basha shton se kjo shfaqje erdhi në Shkodër si pjesë e turit lëvizës që Teatri Kombëtar po bën në të gjithë vendin me qëllim që ai të jetë më afër publikut.

Drama “Orfeu zbret në ferr” e dramaturgut të famshëm Tennessee Williams ishte e para shfaqje me të cilën Teatri Kombëtar çeli repertorin e këtij viti dhe premiera e saj u bë në muajin prill.

Gazetar: M. Gjini

/rtsh/