Tentoi të vriste fqinjin pas konfliktit për pronat, kapet në Kapshticë 34-vjeçari nga Elbasani

Aktualitet | 3 vite më parë

Është vënë në pranga 34-vjeçari i cili tentoi të vriste fqinjin e tij duke e goditur me automjet dhe me levë.

Arrestimi i 34-vjeçarit është bërë i mundur në Kapshtic, teksa ai po tentonte të largohej nga Shqipëria.

Të mërkurën, 34-vjeçari u konfliktua me fqinjin e tij 57-vjeçar për motive pronësie, duke e goditur këtë të fundit me automjet dhe levë metalike teksa po lëvizte me biçikletë. 57-vjeçari ndodhet në spital nën kujdesin e mjekëve, ndërsa policia ka sekuestruar levën metalike dhe automjetin që ka përdorur 34-vjeçari.

Sipas bluve të Elbasanit “nga veprimet e para hetimore, dyshohet se ditën e djeshme, për shkak të një konflikti për motive pronësie, shtetasi G. M. ka goditur me automjet dhe me levë metalike, fqinjin e tij, shtetasin H. M., 57 vjeç, banues në fshatin Shushicë, Elbasan, i cili lëvizte me biçikletë. 57-vjeçari ndodhet në spital, në kujdesin e mjekëve”.

Në pranga ka rënë G.M, 34-vjeç, banues në fshatin Shushicë, Elbasan, ndërsa mbeti i plagosur H. M., 57 vjeç, banues në fshatin Shushicë, Elbasan.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.