Rreth 90 pacientë në muaj përfundojnë në klinikën e Adiktologjisë në QSUT me kriza mbidozimi ose abstinence ndaj lëndëve narkotike duke e bërë misionin e pastrimit ndaj tyre gati të pamundur. Mjekët toksikologë shqiptarë janë njohur nga mjekët zviceranë me terapinë e re të trajtimit “droge me droge” për të cilën Shqipëria jo vetëm që nuk ka një pazë ligjore por kërkon edhe një debat për pranimin e saj.

Të heqësh dorë nga lëndët narkotike në shumicën e rasteve është mision I pamundur pasi sipas mjekëve pacientët edhe kur e nisin një terapi pastrimi nga varësia, rikthen sërish .

Në konferencën e parë ndërkombëtare të Adiktologjisë, mjekët shqiptar u njohën më teknikat më të reja për trajtimin e varësisë ku ajo që rezulton me e suksesshmja në Zvicër duket se ka tërhequr më shumë kureshtjen e tyre .

Mjekët zviceranë thonë se aktualisht,  terapitë përdorin metoda të ndryshme ku ajo psiko-sociale është shumë e rëndësishme.

“Aktualisht format e trajtimit përshijnë shumë metoda. Për heroinën kemi aktualisht terapitë me zëvendësues të ndryshëm si dhe terapinë e dytë që është ajo psiko-sociale, ku problemi i sjelljes së pacientit trajtohet në  kontekstin e shoqërisë dhe njerëzve me të cilët ai rri. Vështirë e kemi me kokainë , ku nuk kemi medikamente”, tha psikoterapeuti për varësinë Daniele Zullino.

Shqipëria aktualisht e ka të pamundur të përdorë këto metoda, pasi ligji nuk e lejon por mjekët mendojnë se para implementimit, parimisht kërkohet debat me bazë të gjerë.

/rtsh/