Tërmetet, Greqia nuk gjen qetësi, lëkundje me magnitudë 5.2 të shkallës Rihter godet rajonin e Kytheras

Rajon | 5 vite më parë

Greqia duket se nuk po gjen qetësi sa i përket tërmeteve. Bëhet e ditur se një tjetër tërmet ka tronditur sot Greqinë në orët e para të mëngjesit. Mediat vendase shkruajnë se një lëkundje e fortë me magnitudë 5.2 goditi rajonin në jugperëndim të Kythera pak para orës 5 të mëngjesit.

Njoftohet se epiqendra ndodhet 41 kilometra në jugperëndim të Kythera dhe thellësia fokale është vlerësuar në 79 kilometra.

Dridhja është ndjerë në Kalamatë, Atikë, madje edhe në Kretë. Duke folur për SKAI 100.3, presidenti i OASP-së, Efthymios Lekka u shpreh se për shkak të thellësisë së madhe fokale, kjo dridhje e veçantë sizmike nuk përbën shqetësim dhe përjashtoi mundësinë e një tërmeti më të madh.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.