Qeveria shqiptare do të akordojë 1 milion euro në ndihmë të Turqisë për ta ndihmuar pas tërmetit shkatërrimtar që shkaktoi mbi 48 mijë viktima. Vendimi është marrë sot në mbledhjen e qeverisë ku më pas është komunikuar për mediat se do të dhurohen 1 milionë euro në ndihmë në Turqisë.

Kjo ndihmë vjen pas dërgimit në Turqi të ekipit të shpëtim-kërkimit nga Ministria shqiptare e Mbrojtjes. 

“Është miratuar vendimi për dhënien e ndihmës financiare humanitare nga km për Turqinë. Kjo vjen në vijim të të gjitha ndihmave të dhëna nga shteti ynë si me dhurimin e personelit për kërkim shpëtimin dhe mjetet të ndryshme”, theksoi në vendimin e qeverisë së komunikuar ditën e sotme për mediat.

Sipas vendimit të qeverisë, kjo ndihmë prej 1 milion eurosh synon mbështetjen shumëpalëshe të Shqipërisë kundrejt Turqisë. Turqia së bashku me Sirinë u prek nga tërmeti shkatërrimtar më 6 shkurt, duke shkaktuar mbi 48 mijë viktimat në të dyja vendet, ndërsa shumë vende i kanë ardhur në ndihmë, midis tyre tashmë edhe Shqipëria.  

/rtsh.al/