Teuta, fituese e Kupës së Shqipërisë

Basketboll | 4 vite më parë

Teuta është fituese e Kupës së Shqipërisë në basketboll për meshkuj. Në finale, skuadra durrsake mundi Kamza Basket me rezultatin 82-74. Në mjediset e Akademisë “Dhimitraq Goga” u zhvillua një ndeshje e hapur, të dyja skuadrat treguan dëshirën e tyre për trofe. Diferenca erdhi në 10 minutat e fundit, me bregdetarët që arritën të bëjnë diferencën dhe të rrëmbejnë trofeun.

Në periodën e parë, Teuta arriti të shkëputet 23-16, ndërkohë që Kamza Basket mundi të rikuperojë në të dytën, 40-36. Durrsakët ruajtën pozitat në periodën e tretë, ndërsa në pjesën e fundit të takimit arritën të bëjnë shkëputjen që u bëri të mundur dhe fitimin e trofeut.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.