Theu rekordin e Bolt në 200m, por zbulohet mashtrimi gjatë garës

Sporte të tjera | 6 vite më parë

Për një moment të gjithë u befasuan kur panë kronometrin: 18”90 në garën e 200 metrave!!!. Ndërkohë që rekordi i kësaj disipline, vendosur nga Usain Bolt në Botërorin e vitit 2009, është 19”19.

Atleti amerikan Noah Lyles dha kohën 18”90 në garën e 200 metrave, në turneun e “Insipiration Games”. Kjo është një garë on-line, ku Lyles garonte në një pistë në Florida.

Bashkë me të, në këtë garë on-line ishin edhe holandezi Churandy Martina (dha kohën 20”82) dhe francezin Christophe Lemaitre (dha kohën 20”67), ku secili vraponte në një pistë në vendlindjen e tij.

Kur mbaroi gara, kronometri e nxori Lyles fitues me kohën 18”90, kohë që është 29 të mijëtat më të shpejtë se ajo e Usain Bolt.

Gjithsesi, më vonë, duke parë pamjet televizive, u zbulua se Lyles nuk kishte garuar 200 metra por 185 metra. Pra, 15 metra më pak se distanca e duhur, pasi Lyles kishte ngatërruar korsinë e tij në startin e garës.


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme