Tirana – Erzeni. Është kjo finalja e Kupës së Federatës Shqiptare të Volejbollit për meshkuj, që të dielën do të luhet në ora 19:00 dhe që do të vijë drejtpërsëdrejti në rrjetin e Radio Televizionit Shqiptar. Një çift që ka qenë në shumë trofe ballë për  ballë njëra-tjetrës edhe sezonin e kaluar e që në gjysmëfinale kanë fituar me të njëjtin rezultat 3-0.

Tirana ka mundur Vllazninë, ndërsa bardheblutë e Sakos i kanë fituar setet 25-22, 25-19, 25-16. Ndërkohë të njëjtin rezultat ka përsëritur dhe Erzeni i Ilo Kojës ndaj Partizanit të Ylli Tomorrit. 26-24, 25-13, 25-13 dhe 3-0 për shijakasit.

Të shtunën luhen gjysmëfinalet e femrave Partizani – Vllaznia dhe Tirana – Skënderbeu, ndërsa finalja e vajzave është të dielën në ora 16:30. Fituesit në fuqi të Kupës së Federatës Shqiptare të Volejbollit janë Partizani për femra dhe Tirana për meshkuj.