Tirana, nuk mjafton fitorja 1-0: në finale është Kukësi

Futboll Vendi | 3 vite më parë

Tirana ka arritur një fitore 1-0 përballë Kukësit në ndeshjen e kthimit gjysmëfinale të Kupës së Shqipërisë, por që nuk ka mjaftuar për të arritur objektivin, kalimin në finale. Verilindorët, falë fitores 2-0 të arritur në gjysmëfinalen e parë, kanë siguruar biletën për në finale të këtij kompeticioni.

Në “Air Albania”, në ndeshjen e kthimit, bardheblutë kanë arritur të gjejnë rrugën e rrjetës që në minutën e 17-të me anë të Deliut. Verilindorët reaguan në fundin e pjesës së parë, shënuan me anë të Lamçes, por që u anulua nga VAR për një prekje të topit me dorë.

Përpjekje të shumta në pjesën e dytë nga ana e bardhebluve, por rezultati mbeti i pandryshuar deri në fund, me Kukësin që ka siguruar finalen e Kupës së Shqipërisë, duke befasuar kështu një emër të madh si Tirana.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.