Tiranë/ Makina ngjitet në pedonalen e Liqenit dhe përplaset, arratiset drejtuesi i mjetit

Aktualitet | 3 vite më parë

Një aksident ndodhi mëngjesin e sotëm (22 gusht) në zonën e Digës së Liqenit Artificial të Tiranës.

Automjeti tip “BMW” po udhëtonte në “Rrugën e Kosovarëve”, kur doli nga rruga, u ngjit në skarpatin e digës së liqenit dhe u përplas me bordurën mbrojtëse të digës në pedonalen e përcaktuar për këmbësorët dhe biçikletat.

Automjeti pësoi dëme të konsiderueshme, me gomat të dala prej mjetit nga përplasja e fortë.

Policia njoftoi se ngjarja ndodhi rreth orës 05:00 dhe si autor ka shpallur në kërkim shoferin 26-vjeçar, i cili e braktisi automjetin pas aksidentit.

Ndaj autorit rëndojnë dy vepra penale “Shkatërrimi i pronës” dhe “Largimi nga vendi i aksidentit”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.