Policia e kryeqytetit ka arrestuar një 38-vjeçar pasi akuzohet për vjedhjen e një automjeti dhe motomjeti, ndërsa është proceduar në gjendje të lirë një 36-vjeçar për përvetësimin e mallrave të vjedhura.

38-vjeçari, sipas njoftimit të policisë, më 27 prill ka vjedhur në rrugën “Hoxha Tahsim”, një karrotrec, ndërsa më datë 3 maj ka vjedhur një motomjet në rrugën “28 Nëntori”, të cilin më pas ia ka shitur shtetasit 36-vjeçarit të proceduar në gjendje të lirë.

 Konkretisht, policia sqaron se “Shtetasi E. B. dyshohet se është autor i dy vjedhjeve të ndodhura gjatë javës së fundit, konkretisht më datë 27.04.2023, në rrugën “Hoxha Tahsim”, dyshohet se ka vjedhur me një karrotrec, automjetin e shtetases T. N., ndërsa më datë 03.05.2023, në rrugën “28 Nëntori”, dyshohet se ka vjedhur motomjetin e shtetasit A. H., të cilin më pas ia ka shitur shtetasit F. S.”.

Policia ka sekuestruar automjetin dhe motomjetin e vjedhur, si dhe një aparat celular.

/rtsh.al/