Ivan Toney u rikthye në fushë pas një ndalimi tetë muajsh, të shkaktuar nga 232 baste në ndeshje futbolli, dhe këtë e bëri me një gol të çmendur nga një goditje dënimi pas nëntëmbëdhjetë minutash kundër Nottingham Forest. I ndaluar në mes të majit, Toney e mbylli sezonin si golashënuesi i tretë më i mirë në Premier League me 20 gola pas Kane (30 gola) dhe Haaland (36 gola).

Për katër muaj ai madje u ndalua të hynte në qendrën sportive të Brentfordit, por makthi përfundoi falë vullnetit të sulmuesit, i cili premtoi të kthejë mbështetjen e klubit të tij për të mposhtur varësinë nga bastet.

Toney ka shënuar tre gola nga goditja e dënimit nga dhjetë tentativa në Premier League që nga fillimi i sezonit të kaluar, barazohet me James Ward-Prowse

Përsa i përket ndeshjes, Brentford ka arritur të fitojë me rezultatin 3-2 ndaj Nottingham Forest, ndërkohë që portiere kuqezi, Thomas Strakosha e ka ndjekur sfidën nga stoli. Trajneri i Brentford, Thomas Frank vazhdon ti besojë postin e titullarit Mark Flekken.