Nga një fatkeqësi e njollë e zezë për qytetin e Fierit, lumi Gjanica dalëngadalë po bëhet një vlerë e shtuar, urbane, arkitekturore e sociale për këtë qytet. Është në përfundim faza e dytë e projektit të transformimit të tij.

Kryetar i bashkisë Fier, Armando Subashi u shpreh se “Projekti ishte i plotë, i kushtuam rëndësi edhe mobilimit urban dhe arkitektonik”, u shpreh ai.

Së shpejti pritet faza e tretë e këtij projekti, për të përmbyllur transformimi e 5.5 kilometrave ku shtrihet ky lum, nga ish furrat e bukës e deri tek Ura e Sheqit.

“Besoj brenda 2 vitesh mund të përfundojë, më shumë dukej si ëndërr e bukur se mund të realizohej në kaq pak vite”, u shpreh Subashi.

Veç rehabilitimit të shtratit të lumit, në të dy anët e tij tashmë shtrihen shëtitore të ndriçuara e kënde kreative dhe argëtuese. Projekti ka vlerën e 6 milionë eurove. 

RTSH