Transportonte emigrantë të paligjshëm kundrejt fitimit, arrestohet 20-vjeçari në Delvinë

Aktualitet | 4 vite më parë

Një 20-vjeçar është arrestuar pasi po transportonte emigrantë të paligjshëm kundrejt fitimit .

20-vjeçari u kap në afërsi të fshatit Tatzat në Delvinë duke transportuar me automjetin tip “Benz” 10 emigrantë, të cilët kishin si qëllim kalimin e paligjshëm të kufirit.

Gjatë operacionit të koduar “Tatzat” në pranga përfundoi 20-vjeçari O.L., ndërsa vijojnë hetimet për kapjen e personave të tjerë të përfshirë në trafikun e emigrantëve.

Materialet i kaluan Prokurorisë pranë Gjykatës së Shkallës së Parë Sarandë, për veprën penale “Ndihma për kalim të paligjshëm të kufijve”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.