Andy Vermaut, gazetar për BE-në dhe ambasador i BE-së për Klimën këto ditë ndodhet në Fier. Jo në një udhëtim pune, por për të marrë shërbim dentar.

“Sepse një shërbim dentar këtu është 7 herë më i lirë dhe 7 herë më i mirë”, tha gazetari Andy Vermaut.

Nuk e ka për herë të parë vizitën në Shqipëri dhe është i mahnitur sidomos për harmoninë fetare, vlerë që nuk para e has në vendin e tij, qendër e rëndësishme e intitucioneve më të larta evropiane: 

“Kam parë që myslimanët janë martuar me të krishterë dhe anasjelltas. Është shumë gjë e bukur të shohësh xhaminë dhe kishën  ngjitur me njëra tjetrën. Ky është një mësim për Belgjikën që do ta marr me vete dhe do t’u tregoj se njerëzit në Shqipëri jetojnë të bashkuar. Në Belgjikë kjo nuk është e mundur, ajo që kam parë këtu nuk është e mundur”, tha gazetari.

Italia, për shkak të afërsisë vijon të mbajë numrin më të lartë të asaj që tashmë e quajmë turizëm dentar apo estetik. E siç do të ishte normale, ndërsa marrin shërbimin për të cilin kanë zgjedhur Shqipërinë, bëjnë edhe turizëm.

/RTSH/