Türkiye, shkrihet asfalti në Denizli për shkak të temperaturave të larta

Rajon | 3 vite më parë

Qyteti industrial i Denizlit në pjesën jugperëndimore të Turqisë, është përfshirë të shtunën nga temperaturat e larta deri në 42 gradë Celsius,
njofton Anadolu Ajansi.

Për shkak të motit tejet të nxehtë dhe lagështisë, në disa rrugë është shkrirë asfalti. Në autostradën Denizli – Antalya në vendndodhjet
Cankurtaran dhe Gokpinar, automjetet kanë lëvizur shumë ngadalë.

Këmbësorët gjithashtu kanë patur vështirësi në kalimin e rrugës. Ekipet e autostradës spërkatën me pluhur guri dhe ujë rrugët.

Një drejktues mjeti tha se automjeti i tij u nxeh shumë dhe kishte ngecur në rrugë.

“Asfalti u shkri për shkak të vapës dhe automjetet e tjera kishin vështirësi në qarkullimin normal”, i tha ai Anadolu Ajansi.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.