U dënua për korrupsion nga GJKKO, KLP shkarkon nga detyra e prokurorit të Sarandës, Sali Hasën

Aktualitet | 3 vite më parë

Këshilli i Lartë i Prokurorisë pranoi të hënën propozimin e Inspektorit të Lartë të Drejtësisë për masën disiplinore “shkarkim nga detyra” të prokurorit të Sarandës, Sali Hasa.

Në majin e vitit 2022 Prokurori u dënua nga Gjykata e Posaçme me dy vite burgim, që u konvertua në katër vite shërbim prove, për akuzën e “korrupsionit” ndërsa u shpall i pafajshëm për akuzën “fshehje e mosdeklarim të pasurisë”.

Ish-Prokurori Hasa u arrestua, pasi nga hetimet e SPAK rezultoi se kishte pushuar një procedim penal kundrejt marrjes së parave për një kriminel.

Me Hasën u vunë në pranga edhe 5 persona të tjerë me akuzën e korrupsionit.

Gazetare: Flutura Tota

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.