U kapën duke shkëmbyer drogë në det të hapur, GJKKO lë në burg 6 të arrestuar

Aktualitet | 3 vite më parë

Gjykata e Posaçme (GJKKO) ka lënë me masën sigurie “arrest në burg” 6 personat e arrestuar një ditë më parë (16 gusht), të cilët u kapën duke trafikuar drogë në det të hapur.

Në burg janë lënë ish-shefi i Policisë së Fushë-Krujës, Arlind Ismailukaj, Armando Mema, Nerim Çela, Besnik Brokeri dhe dy shtetas ukrainas, Kyrylo Ponomarenko dhe Kostiantyn Biellon.

Operacioni ndërkombëtar antidrogë u zhvillua nga Policia e Shtetit në bashkëpunim me SPAK, Guardia di Finanza italiane dhe Frontex.

Në një deklaratë për mediat, Policia e Shtetit bëri me dije se personat e arrestuar trafikonin drogë nëpërmjet rrugëve detare.

Gjashtë personat u kapën teksa tentuan të shkëmbenin kanabis me lëndë të tjera narkotike, me trafikantë të huaj, nëpërmjet një veliere në detin Adriatik.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.