U merrte ryshfet qytetarët në këmbim të kthimit të pronës, burg për ish-punonjësin e Agjencisë së Trajtimit të Pronave

Aktualitet | 4 vite më parë

Gjykata Kundër Korrupsionit dhe Krimit të Organizuar ka lënë në burg ish-inspektorin e Agjencisë së Trajtimit të Pronave, Ilir Kapetani.

Kapetani u arrestuar dy ditë më parë nga SPAK për korrupsion, ku u merrte ryshfet qytetarët me premtimin se do u kthente pronat.

Ish inspektori i mohoi akuzat para togave të zeza, por kjo nuk ka bindur GJKK e cila ka caktuar masën “arrest me burg”. Ilir Kapetani akuzohet për “Korrupsion pasiv të personave që ushtrojnë funksione publike”.

Sipas SPAK, ish inspektori i Agjencisë së Trajtimit të Pronave është i përfshirë në 14 raste korrupsioni.

Ndërkohë për 9 të pandehurit e tjerë, GJKKO vendoi “arrest shtëpie” për dy prej tyre dhe të tjerët në detyrim paraqitje për veprën penale të “Korrupsionit aktiv të personave që ushtrojnë funksione publike”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.