U përmend në dosjen “McGonigal”, Agron Neza paraqitet në SPAK

Aktualitet | 3 vite më parë

Ish agjenti shqiptar Agron Neza është paraqitur sot në dyert e SPAK. Emri i tij prej muajsh me radhë është përmendur në dosjen “McGonigal”, ku thuhet se i ka dhënë 225 mijë dollarë ish agjentit të FBI-së Charles McGonigal.

Emri i Agron Nezës doli nga hetimet ndaj ish-agjentit të FBI, Charles McGonigal, i cili po hetohet në SHBA për fshehjen e 225,000 dollarëve dhe fshehu nga FBI njohjen me ish-agjentin shqiptar.

Agron Neza u përmend në dosje se ka paguar McGonigal për influencë tek autoritetet shqiptare me përfitime në biznes.

Më herët Charles McGonigal ka pranuar fajësinë për fshehje të informacionit nga Byroja Federale e Hetimit duke thënë se “ka marrë 225 mijë dollarë nga një ish agjent shqiptar”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.