Ukraina raportohet se ka kryer sulme të rënda me raketa ndaj objektivave ushtarake në Krime, përfshirë aeroportin Balbek të përdorur nga forcat ruse, me humbje të mundshme të avionëve dhe personelit rus.  Raketat Scalp dhe Storm Shadow janë përdorur në sulmet e së mërkurës (31 janar).

Komandanti i forcave ajrore të Ukrainës, gjenerali Mykola Oleshchuk, pranoi sulmin në Balbek, duke shpërndarë një video të një shpërthimi dhe e quajti atë një “pastrim të Krimesë nga prania ruse”. Një radar ushtarak rus u godit më herët në përgatitje të dukshme për sulmet në Krime.

Rusia dhe Ukraina kanë kryer një shkëmbim të madh të të burgosurve të luftës , një javë pasi një shkëmbim i mëparshëm u anulua kur një aeroplan transporti rus Il-76 u rrëzua. Rusia dhe Ukraina thanë të dyja se rreth 200 të burgosur u shkëmbyen të mërkurën, megjithëse shifrat e tyre të sakta ndryshonin. Rusia nuk ka paraqitur asnjë provë për pretendimin e saj se avioni i rrëzuar javën e kaluar përmbante luftëtarë ukrainas.

/rtsh.al/