Unum festival solli për të katërtin vit radhazi një numër të lartë turistësh nga vende të ndryshme të botës.

Në natën e tretë të këtij eventi ku përformuan DJ më të mirë botërorë, të pranishmit kërcyen dhe shijuan momente speciale në Ranën e Hedhun në Shëngjin.

Ata shprehen të mahnitur nga bukuritë e zonës, nga ndërthurja e malit me detin në këtë zonë, më perëndimin e ëmbël të diellit, e me muzikën në sfond që plotëson pritshmëritë e tyre.

Unum Festival po kthehet në një traditë të bukur në Lezhë, çka ka kthyer edhe vëmendjen e të huajve drejt zonave turistike dhe me potencial, siç është Rana e Hedhun apo Shengjini.

Këtë vit Unum Festival erdhi me një risi, sa i takon mbrojtjes së mjedisit, ku po përdoren materiale dhe ushqime ekologjike, ndërsa vëmendje e veçantë po i kushtohet mbajtjes nën kontroll të pastërtisë.

Ndërsa nga ana e policisë janë marrë masat e nevojshme për garantimin e rendit dhe qetësisë publike.

/RTSH/