Ministria e Jashtme e Bjellorusisë ka deklaruar se vendosja e armëve bërthamore ruse në territorin e saj nuk është në kundërshtim me Traktatin e Mospërhapjes (NPT).

“Bashkëpunimi ushtarak midis Bjellorusisë dhe Rusisë kryhet në përputhje të rreptë me ligjin ndërkombëtar”, thuhet në njoftimin e ministrisë .

 “Trajnimi i pilotëve bjellorusë për të fluturuar aeroplanë me municion specifik, modernizimi i avionëve të tillë, si dhe vendosja e kokave bërthamore në territorin e Bjellorusisë pa transferuar kontrollin mbi to në Minsk, si dhe akses në teknologjitë e duhura. Në asnjë mënyrë nuk bie ndesh me dispozitat e neneve I dhe II të NPT-së”, thuhet në njoftimin e ministrisë, ndërsa shtoi se një praktikë e tillë “nuk është një risi në fushën e bashkëpunimit ushtarak midis fuqive jobërthamore dhe ato bërthamore”, transmeton CNN. 

Gjithashtu, Ministria e Jashtme e Bjellorusisë bën të ditur se është nën presionin e Shteteve të Bashkuara, Mbretërisë së Bashkuar, Bashkimi Evropian dhe aleatët e NATO-s, duke bërë që Minsku të ndërmarrë “veprime të detyruara hakmarrëse për të forcuar aftësinë e saj të sigurisë dhe mbrojtjes”.

/rtsh.al/