Maks Verstapen nuk di të ndalet. Piloti holandez i Red Bullit arrin Pole Position në përfundim të kualifikueseve të Çmimit të Madh të Kandasë. Ai ka dhënë kohën më të shpejtë në sesionin e tretë të provave zyrtare duke arritur kështu që të vendoset në pozicionin e parë për herë të  25-të në karrierë. Për herë të pestë në këtë botëror të Formula 1, Verstapen do të niset nga vendi i parë.

Përkrah tij në vijën e parë të nisjes do të jetë surpriza Hulkenberg me makinën Has. Alonso dhe Hamilton nisen nga vendi i tretë dhe i katërt. Ndërsa Russell, Ocon, Norris, Sainz, Piastri e Albon kompletojnë 10-shen e pilotëve më të mirë. Tjetër zhgënjim për pilotin tjetër të Ferrarit, Charles Leclerc.

Ai eliminohet në sesionin e dytë të provave zyrtare dhe do të niset nga vendi i 11-të. Për t’u theksuar është fakti se kualifikueset e së shtunës në në cirkuitin Gilles Villeneuve të Montrealit, u kushtëzuan mjaft nga shiu që i detyroi pilotët të ndërronin gomat e njëvendësheve të tyre disa herë.

PROVAT ZYRTARE

Radha e parë

1. Max Verstappen (Red Bull)
2. Nico Hulkenberg (Haas)

Radha e dytë

3. Fernando Alonso (Aston Martin)
4. Lewis Hamilton (Mercedes)

Radha e tretë

5. George Russell (Mercedes)
6. Esteban Ocon (Alpine)

Radha e katërt

7. Lando Norris (McLaren)
8. Carlos Sainz (Ferrari)

Radha e pestë

9. Oscar Piastri (McLaren)
10. Alexandr Albon (Williams)

Radha e gjashtë

11. Charles Leclerc (Ferrari)
12. Sergio Perez (Red Bull)

Radha e shtatë

13. Lance Stroll (Aston Martin)
14. Kevin Magnussen (Haas)

Radha e tetë

15. Valtteri Bottas (Alfa Romeo)
16. Yuki Tsunoda (AlphaTauri)

Radha e nëntë

17. Pierre Gasly (Alpine)
18. Nick de Vries (AlphaTauri)

Radha e dhjete

19. Logan Sargeant (Williams)
20. Guanyu Zhou (Alfa Romeo)