VIDEO- Balla: Policia e Shtetit të rrisë goditjen ndaj fenomenit të armëmbajtjes pa leje

Aktualitet | 3 vite më parë

Ministri i Brendshëm, Taulant Balla kërkoi të enjten rritjen e goditjes së fenomenit të armëmbajtjes pa leje. Nëpërmjet një postimi në rrjetet sociale, Balla nënvizoi se Policia e Shtetit duhet të rrisë kontrollet dhe forcën zbuluese për shtetasit që zotërojnë armë zjarri pa leje, sepse armëmbajtja pa leje, sipas tij, “është burimi kryesor për ngjarje kriminale kundër personit dhe pronës.”

“Përgëzime Policisë së Shtetit në Pukë, për ndërhyrjen në kohë për parandalimin e për shkallëzimit të një konflikti për motive pronësie dhe për sekuestrimin e armës së zjarrit. Përgëzime strukturave të Policisë së Shtetit në disa qarqe për vënien para drejtësisë të 27 shtetasve, në kuadër të operacioneve kombëtare “Sundimi i ligjit” dhe “Tempulli””, shkruan Balla.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.