Dhjetra efektivë të Forcës Ajrore dhe helikopteri Cougar, po marrin pjesë në një operacion kundër zjarrit në pyjet e Lurës. Lajmi është bërë i ditur nga ministri i Mbrojtjes, Niko Peleshi, sipas të cilit, pas kërkesës së autoriteteve vendore në Dibër, me qëllim vënien nën kontroll të zjarreve në Parkun Kombëtar të Lurës, janë nisur menjëherë Forcat e Armatosura.

Sipas tij, deri në këto momente nuk ka rrezik për banesat, ndërkohë që po punohet me intensitet për neutralizimin e flakëve.

“Situata është serioze për shkak të terrenit të vështirë dhe erës e cila ka favorizuar përhapjen e flakëve. Deri në këtë moment nuk ka rrezik për banesat, ndërkohë po punohet me intensitet për neutralizimin e plotë. Gatishmëri maksimale për të mbrojtur një pasuri kombëtare si parku i Lurës!”- shkruan peleshi në rrjetin e tij social Facebook.

/rtsh.al/