Vihet në pranga anëtari i bandës së Gaxhait, Armando Sulejmani

Aktualitet | 3 vite më parë

Policia ka arrestuar në Durrës anëtarin e bandës së Gaxhait, Armando Sulejmani. Sipas informacioneve të policisë, Sulejmani është vendosur në pranga nga uniformat blu të Durrësit mbrëmjen e djeshme.

Referuar burimeve nga policia, bëhet e ditur se Sulejmani është ndaluar teksa ishte duke lëvizur me automjet.

Armando Sulejmani akuzohet për vjedhje të automjeteve që dyshohet se përdoreshin për vrasje.

Sulejmani, i njohur me nofkën “Çipuri”, u qëllua në vitin 2016 nga dy persona duke mbetur i plagosur.

Në atë kohë ngjarja ndodhi në hyrje të pallatit ku banonte Sulejmani.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.