Virozat e stinës në Fier, mjekët këshillojnë qytetarët të shmangin diellin

Sociale | 3 vite më parë

Virozat e stinës kanë prekur një numër të konsiderueshëm grupmoshash të vogla në qytetin e Fierit ku çdo ditë paraqiten në Urgjencën e Pediatrisë rreth 50-60 fëmijë.

Sipas mjekes pediatre, Albana Haxhiu, virozat janë në rritje në këtë periudhë të vitit jo vetëm për shkak të luhatjeve të temperaturave por edhe si pasojë ndryshimit të paternit klinik të virozave.

“Nëse në fillim të vitit ka pasur viroza të aparatit respirator tani ka raste të entero virozave “, thotë mjekja.

Po sipas mjekes pediatre, simptomat virale të fëmijëve janë temperatura e lartë dhe dehidratim duke dhënë këshilla për konsum të lëngjeve.

Në Fier raste të rënda nuk ka patur ndërkohë që shtrimet në spital shkojnë deri në 10 raste në ditë.

Gazetar: Norel Zaimi

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.