Von der Leyen mbërrin në Tiranë, pritet me ceremoni zyrtare nga Kryeministri Rama

Politikë | 4 vite më parë

Presidentja e Komisionit Evropian, Ursula von der Leyen ka mbërritur në Tiranë. Ajo është pritur nga një ceremoni zyrtare nga Kryeministri Edi Rama në Aeroportin “Nënë Tereza”.

Kjo është vizita e parë që Ursula Von der Leyen zhvillon në Tiranë pas hapjes së bisedimeve të anëtarësimit, të cilat janë aktualisht në procesin e shqyrtimit legjislativ.

Pas pritjes zyrtare, në orën 15.45 do të zhvillohet një takim bilateral mes dy delegacioneve, ndërsa në orën 16:30 do të mbahet konferenca e përbashkët për shtyp mes Von der Leyen dhe kryeministrit Edi Rama.

Von der Leyen po zhvillon një tur vizitash në Ballkanin Perëndimor, teksa të mërkurën ishte e pranishme në Maqedoninë e Veriut.

AXHENDA:

Programi i vizitës së Ursula von der Leyen, Presidente e Komisionit Europian në Tiranë, 27 Tetor 2022

14.30 – Ceremonia e mikpritjes në Aeroportin Ndërkombëtar “Nënë Tereza”

15.45 – Takim bilateral mes dy delegacioneve në Kryeministri

16.30 – Konferencë për shtyp mes Kryeministrit Edi Rama dhe Ursula von der Leyen, Presidente e Komisionit Europian në sallën COD, Kryeministri.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.