Vrasja e 20-vjeçarit në Tiranë, vetëdorëzohet autori i dyshuar

Aktualitet | 4 vite më parë

Autori i dyshuar i vrasjes së 20-vjeçarit me inicialet S. T në Tiranë më 18 prill, është vetëdorëzuar në polici këtë të enjte. Nëpërmjet një njoftimi, Policia bën me dije se 18-vjeçari me inicialet A. H u vetëdorëzua falë negociatave të vazhdueshme me familjarët.

Kujtojmë se ngjarja u regjistrua pak pas mesnate në rrugën “Skënder Sallaku”, ku në bashkëpunim me një bashkëmoshatar, 18-vjeçari goditi me thikë 20-vjeçarin, i cili për pasojë ndërroi jetë. Disa orë pas ngjarjes, Policia mundi të arrestojë 18-vjeçarin me inicialet E. M..

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.