Vriten 9 palestinezë në Bregun Perëndimor/ Ushtria izrealite: Goditje për të arrestuar militantët e Xhidahit Islamik

Botë | 4 vite më parë

Nëntë palestinezë kanë mbetur të vdekur gjatë një sulmi të ushtarëve izraelitë në Bregun Perëndimor.

Në mesin e të vrarëve u raportua edhe për një grua të moshuar. Ndërkaq, ushtria izraelite tha se trupat e saj hynë për të arrestuar militantët e Xhihadit Islamik që po planifikonin “sulme të mëdha”.

Nga ana tjetër, presidenca palestineze akuzoi Izraelin për masakër në qytetin Jenin, e cila ka qenë skenë e bastisjeve të përsëritura muajt e fundit.

Ministria palestineze e shëndetësisë identifikoi tre nga të vrarët si Magda Obaid, 60 vjeç, Saeb Izreiqi, 24 vjeç dhe Izzidin Salahat, 26 vjeç. Ndërsa 20 persona u plagosën gjithashtu, katër prej tyre në gjendje të rëndë, transmeton BBC.

Inkursionet janë pjesë e asaj që ushtria izraelite e përshkruan si një ofensivë anti-terroriste që filloi prillin e kaluar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.