Presidenti i Serbisë, Aleksandër Vuçiq ka deklaruar nga Tirana se vetëm dialogu konstruktiv dhe zgjidhjet diplomatike mund të çojnë në paqe.

I pranishëm në Samitin “Ukraina-Europa juglindore”, Vuçiq është shprehur para mediave se Serbia do të ofrojë ndihmë humanitare për Ukrainën.

“Republika e Serbisë, si më parë, do të vazhdojë të ofrojë, brenda mundësive të saj, ndihmë humanitare për popullatën e cenueshme të Ukrainës, duke qëndruar e përkushtuar në respektimin e ligjit ndërkombëtar humanitar”, ka thënë Vuçiq.

Presidenti Vuçiq ka marrë pjesë në punimet e Samitit të sotëm për Ukrainën, ku të pranishëm kanë qenë dhe Presidentja e Moldavisë, Maja Sandu; Presidenti i Serbisë, Aleksandër Vuçiq; Presidenti i Malit të Zi Jakov Milatovic; Kryeministri i Kroacisë Andrej Plenkovic; Kryeministrja e Bosnje-Hercegovinës Borjana Kristo; Presidentja e Kosovës Vjosa Osmani; Presidenti i Maqedonisë së Veriut Stevo Pendarovski.

Në përfundim të samitit, liderët kanë realizuar edhe foton familjare.

/rtsh.al/