Zbulohen 31 sera kanabisi në zonat malore të Kurbinit, një i arrestuar, një tjetër në kërkim

Aktualitet | 3 vite më parë

31 sera me kanabis janë zbuluar në zonat malore të Kurbinit. Gjatë kontrolleve nga toka dhe ajri, polica ka zbuluar 3510 bimë kanabis të mbjellë në një terren të vështirë malor në fshatin Skuraj.

Gjatë operacionit të koduar “Imazhi” është arrestuar 44-vjeçari D. M. si dhe është shpallur në kërkim F. M., 34 vjeç, si dy nga autorët e dyshuar të këtyre tentativave për të kultivuar bimë narkotike.

Gjithashtu, nga hetimi janë identifikuar dhe autorë të tjerë të kësaj veprimtarie kriminale, të cilëve, për shkak të konfidencialitetit të hetimit, nuk mund t’iu bëjmë me dije të dhëna.

Materialet procedurale i kaluan Prokurorisë, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.