Zgjedhjet e 14 majit, Kolegji Zgjedhor rrëzon ankimimin e Berishës për vendimin e KAS

Politikë | 4 vite më parë

Kolegji Zgjedhor ka hedhur poshtë ankimimin e bërë nga ish-kryeministri Sali Berisha, ku kërkohej pezullimi i regjistrimit të PD të drejtuar nga kryetari i komanduar, Enkelejd të Alibeaj.

Vendimi është marrë sot (27 mars) nga Kolegji Zgjedhor dhe nuk mund të ankimohet. Kujtojmë se Sali Berisha ankimoi vendimit e KAS, i cili urdhëroi KQZ që të regjistrojë PD-në me kryetar të komanduar Enkelejd Alibeajn në zgjedhje vendore të 14 majit.

Partia Demokratike është regjistruar në zgjedhjet e 14 majit me kryetar Enkelejd Alibeajn, pas vendimit të KAS, i cili rrëzoi vendimi e mëparshëm të kreut të KQZ-së, Ilirjan Celibashi për mos regjistrimi e saj pa plotësuar dokumentacionin me firmën e Lulzim Bashës. KAS vendosi që këto dokumentacione të plotësohen me firmën e kryetarit të komanduar, Enkelejd Alibeaj, që solli edhe regjistrimin e PD për garën elektorale.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.